Homenaxe Fundadores Cooperativa Ribeiro

Tamén estiven hoxe nos actos de Homenaxe ós Fundadores da Cooperativa Vitivinícola do Ribeiro. Unha institución na comarca do Ribeiro,da que forman parte cerca de mil familias e que tén xa 42 anos de vida.

Unha vida longa,con moitos incidentes,con momentos bós e malos.Unha organización,con puntos máis claros e outros non tanto.En fin,coma a vida mesma.

Cando fun alcalde tiven a honra de promover un expediente de honra do concello de Ribadavia polo seu 25 aniversario,que agardo se reiteren con máis calor aínda cando celebremos os 50 (só faltan oito).

Hoxe fíxose un xusto recoñocemento ós Socios Fundadores. E fíxose ó seu máximo promotor Eulogio Gómez Franqueira.

Franqueira foi un home tamén con claros e oscuros.Coma todos.

Pero a Cooperativa foi unha cousa boa das que axudou a construir.Con outros centos de familias que verdadeiramente pasaron momentos duros.

Foi un bó día para estar coa familia.

Foi un día para saludar a moitos amigos e veciños queridos que estiveron alí,e que non sempre un conta co tempo que merecen para estar con eles.Os veciños no Ribeiro somos unha familia.Ti podes levarte non moi ben con algún, pero que ninguén de fora lle intente facer mal,porque aquí estamos nós para defendélo.Filosofías dos que vivimos no rural que os urbanos non sempre entenden.

Inda que é verdade que alí tamén había...de todo.

Algúns dos que estaban con máis devoción...¡dios mío,as que lle fixeron! As veces valdría máis non ter memoria.

E outros dos que o abandonaron,e traicionaron...parece que estaban para limpar culpas.En fin.Máis vale calar.

VIVA A COOPERATIVA.