Apertura do primeiro Curso da Escola do PSdeG

Este sábado, 16 de xaneiro do 2010, a Executiva Galega facemos o acto de apertura da programación da Escola de Formación do PSdeG .

Será as 11,30 no centro Carballo Calero de Ferrol.

A Escola leva o nome de Francisco Fernández, que foi o primeiro presidente da primeira agrupación socialista de Galicia,a de Ferrol en 1881.Foi tamén un dos tres primeiros concellais socialistas de España (xunto cun de Mataró e outro de Bilbao).E un acto tamén de homenaxe os socialistas de Ferrol.Participarán o secretario xeral do PSdeG Pachi Vázquez e a secretaria de Organización Federal Leire Pajín.

Nos pasados meses tivemos unha actividade intensa de formación dos cargos e militantes. Pero agora arranca a Escola con toda a forza,cunha programación estable que xa coñecen as agrupacións e accesible a través da web do Partido.

Un esforzo de moitos voluntarios militantes e simpatizantes,que fan un esforzo persoal importante,de forma desinteresada.Un esforzo de moitos colectivos que colaboran cada día .Non cito a ninguén porque son numerosos e alguén quedaría fora.Un éxito do equipo de Formación ,da Executiva,das executivas Provinciales e Locales.Un éxito colectivo.

O compromiso que adquirimos no Congreso do 25 de abril pasado que se fai realidade, en boa parte polo empeño persoal e apaixoado do noso secretario xeral Pachi Vázquez.

En nove meses naceu.Que viva moitos anos.