INOCENTADA....DE FEIJ 00

Hoxe foi un día importante para o Ribeiro. Unha nova ponte sobre o río Miño mellora a comunicación entre as duas ribeiras da comarca.Durante décadas foi un impedimento para comunicar ós veciños e empresas.Ata que chegaron os socialistas á Xunta,en toda a comarca non podía cruzar un camión de máis de 10 Tm.Nunha comarca de adegas e outras empresas que precisaba ese tránsito.Os socialistas diseñaron,programaron e executaron unha ponte en Cortegada,outra en Barbantes e esta de Castrelo-Ribadavia.

Hoxe o Feijo cero cero, o mesmo que parou un novo poligono industrial na comarca, o que retrasa a ampliacion do poligono de Ribadavia e a instalación de industrias,o que retrasa estradas como a Beade-Pena Corneira que os socialistas deixamos para adxudicar...ese mesmo veu poñer o traxe que fixeron outros.Veu aparecer como o que fixo esta infraestructura que deixaron os socialistas.Ata cambiou o letreiro para poñer "plan Move".Ningún recoñocemento.Menos mal que un ponte a punto de terminarse cantaría moito para parálo...

Era o 28 de decembro. O Día dos Inocentes.....

COMITE NACIONAL

Hoxe tivemos a última reunión do ano do Comité Nacional.

Non vou comentar máis,porque os medios da dereita xa se encargan de desinformar para tapar as críticas severas o goberno do PP da Xunta,o máis ineficaz e retrogrado da historia democrática galega.

PP OURENSE :PERSISTE A DIVISIÓN

O PP da provincia de Ourense, co seu liderazgo de herencia,continúa cos episodios de división.

A prepotencia do Nene,presumindo de ir mercando concellais e tránsfugas,paréce que lle están dando nos morros.Cada día vanse concellais do PP.En distintos puntos da provincia moitos cadros que levan décadas traballando para o PP ,agora vanse. Porque este só quere xente obediente á famiglia.

Pola provincia queda claro que hai dous partidos de dereita: a dereita caciquil da familia Baltar, e a neo-ultradereita de Feijoo e os seus delegados na provincia.

Días pasados dimitían o maioría do grupo de Amoeiro.En semáns anteriores tíñanse sucedido outras rupturas.Membros do PP de Xinzo de Limia,unha das principales poboacións da provincia,rompen co PP e promoven unha candidatura independente. Varios concellos da Limia e Verín poden seguir ese camiño.Moitos cadros cabreanse polas visitas pastorales, con fotógrafo,do presidente herdeiro que vai de aldea en aldea sinalando co dedo quén é o seu enviado.Algúns despois de moitos anos xa non están para tragar estes comportamentos.O que lle aguantarían ó pai, non llo permitirán ó fillo...

O fillo, puxo candidato na cidade de Ourense.Contra a vontade dos cadros do PP, dos que curran as eleccións. E debeulle parecer pouco, que agora vai e defunciona ó presidente recentemente elexido.Nóvoa foi dimitido. O dedo sinalou quén vai mandar nos afiliados do PP de Ourense. O herdeiro administra a finca. A mentalidade de dereita parécelle normal que as cousas se fagan así. Moitos entenderán que a democracia sempre hai que conqueríla.Nunca é un regalo...E a unión e cohesión non teñen porque confundirse cos caprichos e a dictadura. Autoridade e Autoritarismo son cousas diferentes.

Os afiliados do PP nesta provincia son os máis necesitados de aires de democracia. E para elo hai unha tarefa importante. Cambiar o goberno na deputación provincial e outros símbolos da rede caciquil medieval da famiglia.

As próximas Eleccions son a mellor ocasión para facer contas e conquistar a DEMOCRACIA na nosa provincia.

CURSOS Escola Formación

No mes de decembro a Escola de Formación do PSdeG oferta varios cursos:

sábado día 4 :

-Politicas Municipais socialistas :ideas programa (para cargos provincia Pontevedra)-Vigo.

-Liderazgo e traballo Equipo (para calquer militante)-sede Santiago

sábado día 11:

-Politicas Municipais socialistas:ideas programa (cargos provincia Ourense).

-Comunicación Política (aberto para calquer militante)-sede Santiago

sábado 18:

-Planificación Electoral-desenrolo Campañas (calquer candidato ou membro comité electoral)-sede Santiago

E necesario inscribirse sede PSdeG.

INCINERADORA ADXUDICADA NO CONCURSO EOLICO

Hoxe denunciei un novo chanchullo do Goberno do PP e de Feijoo. O nunca visto.

Feij00 convocou un Concurso Eólico e adxudicou unha Planta Incineradora da basura de Galicia na miña comarca.

Sin concurso. como dí a tradición do PP, a dedo e a uns amigos.

Dalle un pelotazo eólico. E outro pelotazo de basura.

O mesmo que demonizou as industrias da reciclaxe e a compostaxe. Adxuduca a uns colegas a queima de 900.000 toneladas cada ano durante 50 anos, para producir enerxía eléctrica co lixo que os galegos pagan tasa para que se trate. Contra o que se fai en Europa.Co que se prohibe noutros territorios.En contra do Plan de residuos vixente (a modificación do Pp aínda non está en vigor).

Logo regreso a Madrid. Comisión de Presupostos. Reunión do grupo Federal de Medio Ambiente coa nova Ministra.

O Xoves xornada sobre as Políticas Activas de Emprego.Estará entre outros o novo Ministro de t

Traballo.

Comisión Medio Ambiente: depuración polígonos San Cibrao

Hoxe debatemos na Comisión de Medio Ambiente,Agricultura...unha Moción do Bng sobre o saneamento dos verquidos ó Barbaña .O texto mellorámolo no senso de que non é suficiente actuar na EDAR, tamén hai que facer control dos verquidos das industrias,estudar os pretratamentos antes do envío a depuradora e outros aspectos. Todo esto é competencia do concello de san Cibrao (que cobra os impostos as numerosas industrias e é competente para dar licencias e calificar urbanisticamente pero escaquéase dos problemas), é a Administracción competente en Saneamento é a Aotonómica (que cobra o canon de saneamento e dende que está o PP multiplicase a sua falta de control) única que pode intervir. Cómo estas administraccions e o PP non resolven (a Deputación xa ninguén conta que aporte nada a nigún problema supramunicipal), nós ofrecemos a colaboración do Goberno do Estado para que non haxa vertidos que maten a vida de novo no Barbaña. Cómo hai 500 empresas e 10.000 postos de traballo polo medio, os socialistas dende o goberno do Estado buscaremos solución.
Encima o Partido Popular NON APROBOU a resolución que consensuamos PSOE e BNG...Vaia,vaia.

Fin de Semán Movido

O sábado fixemos a Convención Municipal coa participación de cen alcaldes ,multitude de cargos .Total máis de mil compañeiros concellais e responsables de partido.O desenrolo un éxito. Con forza para continuar traballando por Galicia.Polas PERSOAS.

O domingo moitisimos cargos e afiliados estivemos na Convocatoria en defensa da SANIDADE PÚBLICA en Galicia.Da Alameda ata a Quintana milleiros de galegos con sol e con choiva expresamos a nosa defensa dun servicio público,gratuito e universal como conquerimos os socialistas hai máis de 25 anos xa.

Asamblea PLATAFORMA pro Parque Empresas Ambientais

Hoxe celebramos Asamblea da Plataforma Sí Parque Ambiental.

O salón de actos da Casa da Cultura de Ribadavia encheuse de novo. A ilusión por este proxecto é patente. A demanda de creación de solo industrial é un clamor na comarca. A Xunta do PP parou este Polígono Industrial especializado en reciclaxe e industrias ambientales.

O Ribeiro quere empresas e traballo. Empresas con futuro.Que non poidan desmontarse nin ir a menos. Emprego de calidade ,que deixe aquí os nosos xoves, e traia aquí outros moitos.

O Ribeiro demanda este proxecto que lle volvería a dar vida a esta comarca, que lle daría traballo as pequenas empresas que perviven (comercio, restaurantes,taxis,constructores,camioneiros,xestorías,promotores de vivendas,propietarios de solares,productores de viño,gasolineiras,talleres,tecnicos de todo tipo, abogados, funcionarios,xubilados,traballadores que queiran mellorar o actual traballo...e sobre todo MULLERES, PARADOS ou EMIGRADOS que poderían retornar). A comarca parece que tén moi claro que quere que haxa empresas e traballo. Curiosamente hai un pequeno punto negro na vila capital da comarca que tén dúbidas....Coma sempre foi na hestoria.

DE XESTIONS EN MADRID

Aproveitando a viaxe a Madrid, acudirei a realizar diversas xestions no Ministerio de Fomento.

Hoxe é o día que o grupo socialista realiza o agradecemento ás ministras-os que cesaron días pasados nas suas funcions.

CAMBIOS NO GOBERNO

En poucas horas o Presidente Zapatero anunciará Cambios importantes na composición do Goberno.

Un cambio de ritmo para afrontar este período final de mandato. Cos presupostos consolidados,cunha maioría que lle da estabilidade ó Goberno socialista, requiríase un novo impulso para a actual situación.

A contraste negativo sería a perda do ministerio da ourensá e amiga Elena ...aínda é hora de agardar.

PLENO SENADO

Martes e Mércores temos sesión plenaria no Senado.

O Xoves o Ministro de Fomento explicarános en Comisión a reprogramación do plan de infraestructuras.

No Congreso comenza debate Presupostos do Estado 2011,que se aprobarán por decembro,en base os acordos parlamentarios que os sustentan.

FELICIDADES A LAURA E CARBALLO

Hoxe estivemos en Allariz, acompañando a Laura e Carballo nun día grande de felicidade para eles e os que os queremos.

A MAFIA DO TRANSFUGUISMO

A Mafia de Ourense do Transfuguismo arranca a precampaña, sen poñerse colorada,afirmando que continuarán buscando máis candidatos para, a cambio de premio,cambiar a vontade dos electores que os elexiron. Porque é extrano empezar unha Campaña Electoral con tanta falta de respeto.

Porque reafirmarse na vontade de MAIS TRANSFUGUISMO, é declarase culpable de corrupción política .Decirlle ós electores: os cargos que non consigamos co enchufismo,co amiguismo,co tráfico de influencias...faremos unhas operacions para aproveitando as debilidades dalgún (porque estén en paro, non teñan contratos as suas empresas,ou simplemente queiran sacar tallada) conseguir que poñan de alcalde ou o que sexa ó contrario do que vades elexiros veciños.

En calquer outro lugar, excepto en algún territorio siciliano ou napolitano, un cargo que manifeste tales intencións sería catigado co desprezo nos medios de comunicación, nas esferas sociais,empresariais...e por suposto co rechazo electoral.

Na provincia de Ourense tamén hai que usar o Voto contra esta Famiglia mafiosa que corrompe a vida en algúns concellos. O institución onde hai que simbolizar este cambio chámase Deputación.

Resulta simbólico que o letreiro que ensinan o herdeiro e o criado, foi diseñado por unha empresa que está no sumario do caso de corrupción e financiación ilegal do PP,chamado caso Gurtel.

Nota: as operacions de transfuguismo non só se fixeron onde había gobernos de coalición (nesta lexislatura P.Trives ,Vilariño C. ,A Veiga...en lexislaturas pasadas entre outras tamén Verea, Ribadavia,Maceda,Melón,,..practicamente toda a xeografía provincial,e todo tipo de cargos e siglas), tamén se fixeron onde había MAIORÍA ABSOLUTA dos socialistas (Calvos de Randín...anteriormente Castrelo Val,Castro Caldelas...).E decir onde os veciños decidiron dar maioría total de goberno tamén deron golpes contra a democracia con operacions de compra de cargos.

COMPROMISO DO MINISTRO DE FOMENTO ESTACION AVE OURENSE

Hoxe manifestou o Ministro de Fomento,no pleno do Senado,o compromiso para a crear a Estación Intermodal na cidade de Ourense ,en chegar a un acordo con Concello e Xunta que permita que se axilicen os trámites para a súa construcción.

Afirmou que a chegada do AVE fará que Ourense esté a "vangarda" do futuro ,sendo a primeira cidade de Galicia en télo ,afirmando o ministro a prioridade en fixar os costes, establecer os acordos e pechar o Protocolo,lembrando que a actuación suporá unha inversión de "500 millons de euros".Lembrou que no 2011 poráse xa en marcha o AVE entre Ourense e Santiago de Compostela , que a alta velocidade con Madrid chegará a Galicia a fin de 2015 e que nese intre as actuacions das estacions intermodales estarán en marcha ou executadas".

FEIJOO SUPRIME POLIGONOS INDUSTRIAIS NO RIBEIRO

O Presidente da Xunta anuncia a paralización da ampliación do Polígono Industrial de Ribadavia, no que teñen solicitado instalarse varias industrias. De novo cheira a Delegado da Xunta ...

Parece broma que neste momento de crise económica, o goberno da Xunta, pare a instalación de diversos proxectos de empresas, que están agardando que se amplíe o solo industrial do Poligono de San Cristobo en Ribadavia, e diga que non vai executar esa ampliación de solo industrial mentras moitos deman dantes de emprego agardan un traballo ou... se marchan da comarca.

Isto súmase a paralización ou anulación do Polígono Industrial de Industrias Ambientais en Carballeda de Avia. Mentras as industrias de reciclaxe vanse fora de Galicia, para Portugal e outras Rexións.Mentras o Centro Tecnoloxico da reciclaxe segue sen facer e sen desenvolverse un sector que podía ser punteiro en Galicia.

Neste caso NIN FAI NIN DEIXA FACER. Porque tamén boicotea que o faga o Concello en colaboración con outras Administraccions.

Feijoo non tivo tempo en 19 meses de recebir os promotores deste Proxecto Empresarial,mentras recorre tódolos platós de TV,e fai campaña para o PP no Pais Vasco,en Cataluña,en Asturias...

Mentras perdemos a posibilidade de presentar a candidatura a proxectos que podían vir para o Ribeiro como a fábrica de baterías de litio para coches eléctricos(que consegiu Zapatero no viaxe a Xapón) e que traerá 200 postos de traballo no inicio e que chegarán a mil cincocentos.....que no mellor dos casos quedará pola zona de Vigo.

INTERPARLAMENTARIA SOCIALISTA

Reunión dos Parlamentarios Socialistas.

Senadores,Deputados no Congreso e Parlamentarios Galegos.

Coa presidencia do Secretario Xeral.

Coordenación para traballar por Galicia.

Comparecencia PRESUPOSTOS 2011

Hoxe demos conta dos Presupostos do Estado para 2011 no q1ue afecta á provincia de Ourense.

Uns presupostos de axuste,para poder cumprir os obxetivos de reducción do déficit público.

Por elo as cantidades que figuran para Infraestructuras son as axeitadas para o exercicio e garantízanse a continuidade de tódalas grandes actuacions que van cambiar a provincia de Ourense. Outras moitas que figuran con pequenas cantidades xestionaránse a través da colaboración Público-Privada.Deste xeito que algunhas actuacions que poden realizarse por este sistema, non computan para o Déficit e serán realizadas incluso máis rápido.

Por este sistema realizarase a metade da Autovía A56 Ourense-Lugo.

A Autovía A 76 Ourense-Valdeorras-Ponferrada.

A Alta Velocidade Ourense a Vigo do AVE.

A Alta velocidade Ourense a Santiago rematará nese ano e poderá entrar a funcionar.

A Alta Velocidade Ourense ata Madrid estará no ano 2011 totalmente en obras naqueles tramos que ainda non están rematados ou en obra (quedan uns 70 km).Parte importante será tamén coa colaboración Público-Privada. No presuposto hai importantes partidas tanto en Ourense coma no límite en Zamora nos tramos en execución.

Hai partidas para outras fases de outras importantes infraestructuras...

E sobre todo un esforzo no Gasto Social, que na provincia de Ourense tan importante é.

Seguro que nos medios sale pouco o que explicamos...algún incluso se levantou os quince minutos de empezar a Roda de Prensa (vaia servicio públicos que temos...). Pero recorreremos a provincia explicando os datos, coa palabra.

ALGUNS DATOS Presupostos Estado

PRESUPUESTOS GENERALES DEL ESTADO 2011 OURENSE INVERSIÓN TERRITORIALIZADA:253.080 (Miles de €uros)

SECCIONES

2.011 Ministerio de Defensa... 0,49 M. de Economía y Hacienda... 103,00 Ministerio de Fomento... 38.116,00 M. de Industria, Turismo y Comercio... 2,77 M. de Medio Ambiente, y Medio Rural y Marino... 22.710,00 M. Cultura... 110,00 Total Admón. Gral. Estado.............. 61.042,26 Total Empresas y Entes Públicos......... 192.029,68 Total Seg. Social Total PGE. Empresas y Entes Públicos. Seg. Social 253.071,94


_________________________________________________________ PARTIDAS MÁS IMPORTANTES (Estado, Empresas y Entes Públicos) Autovía Verín-Frontera +Puente Feces... 134,00 Variante Norte Ourense N-120/N- 525 (PC)... 134,00 Autovía A-56 Ourense-Lugo (PC)... 268,00 Autovía A-76 (Ponferrada-Ourense (EI)... 15,00 Circunvalación O Barco de Valdeorras... 114,00 Conservación y Mejora de Carreteras y Seguridad Vial... 27.400,00 Enlace A-52-Carballeda... 50,00 L.A.V. Lubián-Ourense... 87.061,00 L.A.V. Ourense-Santiago (sólo Ourense)... 83.546,00 LAV Ourense-Vigo... 896,00 LAV Ponferrada-Monforte (EI)... 81,00 Convenio ADIF para Infraestructuras Ferroviarias...
----------------------------- 8.591,00 Saneamiento y Depuración Aguas.... 2.706,00 Caminos Naturales... 245,00 Actuaciones varias en Infaestructuras Hidraúlicas... 7.313,00 Sede Confederación hidrográfica Miño Sil... 3.000,00 Abastecimiento Agua Ourense... 9.719,00 EDAR Ourense... 4.080,00 Regadíos Limia (Varios Proyectos)... 50,00 Vía Nova (Plan Director)... 40,00 Biblioteca, Archivo Ourense... 70,00 Correos y Telégrafos... 670,00 Remodelación Edificio del Banco de España... 1.000,00

SAN MIGUEL

Día de San Miguel...día de Folga Xeral por convocatoria das organizacions sindicais.

Mañá temos unha sesión da Comisión de Fomento na que levo dous asuntos.

Unha moción do Bng pide un estudo sobre un futuro servicio de cercanías en Ourense.

A outra é unha Moción miña que formula o grupo Socialista referida ó impulso da Variante norte de Ourense,unha circunvalación que una a A 52 (Rias Baixas) coa A 52 (Autovía a Lugo) e futura A 76 (autovía a Valdeorras e Ponferrada).En fin, toca traballar.

SENADO: Comisión Medio Ambiente

Hoxe teremos sesión da Comisión de Medio Ambiente,Agricultura e Pesca do Senado.

Entre os asuntos estarán duas mocións do bng en relación coa tramitación dos Plans Hidrolóxicos , e outra sobre medidas de seguridade nas chamadas pozas de Melón (pobos de Tourón e Mestas).

Neste caso o Goberno socialista,a través do Ministerio de Elena Espinosa (Confederación Hidrográfica Miño-Sil) tén un proxecto de 480.000 € no que se prevé un sendeiro de 1130 m que dé acceso ó lugar, barandillas, escaleiras,un Mirador seguro,duas pasarelas (unha de 14 m cruza o río Cerves ),sinalización de perigo e sinalización informativa.Toda unha imnfraestructura turística, que non tén obriga de realizar a Confederación (está para outras cousas), pero que asume pola falta de accións dos organos con competencia legal: Concello (Deputación en auxilio del) e Xunta. O PSOE fai o que os do PP non fan,pese a ter obriga.

Nas duas a intervención do grupo socialista fareina eu.

SENADO:PLENO

Pleno no Senado.

Nesta sesión intervirei coa posición do grupo socialista nunha Moción referida as reprogramacions nas infraestructuras derivadas do axuste de recorte do déficit público acordado coa UE.

Pola noite teremos cea dos deputados e senadores galegos en Madrid.

O PRESIDENTE ZAPATERO NO SENADO

Pleno no Senado.

Na sesión de control estará o Presidente do Goberno cumplindo o seu compromiso de comparecer nesta Cámara para responder ante os cidadáns.

A sesión pódese seguir polo Canal do Senado.

FEIJOO NON TEN TEMPO DE ATENDER PROBLEMAS PERO VAI DE VERBENA

O Presidente está ocupado.

Non tivo tempo para falar da posta en marcha dun polígono industrial que traia empresas e emprego ó Ribeiro.

Non tivo tempo para vir apoiar a Feira do Viño,aMostra de Teatro.....etc.

Mentras arde Galicia,mentras a poucos kilometros ardían na provincia 2.000 hectáreas que combatían membros de brigadas e militares,veciños de concellos ós que lle recortou o persoal para prevención e limpeza, o Presidente tivo tempo para ir de VERBENA.Alí estiveron de festa mentras traballadores e veciños loitaban contra un lume que acababa cos mellores espazos naturais na provincia.

Cuestión de prioridades.

Se foran outros seguro que alguns medios da dereita nos regalarían portadas e páxinas de raiba.

Ante estes insultos da dereita máis retrógrada, calan. É máis rentable.

EMPEZANDO UN NOVO CURSO

Un novo curso asoma.

Un curso decisivo para o futuro de España. O pulso entre as forzas conservadoras e as do progreso son desiguais.Os poderes económicos ,e os medios de comunicación que poseen, non van axudar a que o cambio económico que necesitamos sea a favor da maioría da xente. Os que causaron a crise pola sua avaricia desmedida queren que pague o coste ideolóxico as ideas socialistas para seguir facendo o mesmo.Compre situar a cadaquén no seu lugar .

En canto a Galicia, os enganos a dereita quedan o descuberto en canto tén que gobernar. O que esixía na oposición ó goberno anterior, parece que non é tarefa deste. O goberno da dereita pásase o tempo escapando,escondéndose,rehuíndo responsabilidades. E repartindo o botín, favorecendo os do negociete fácil (a uns unha Incineradora, a outros uns parques eólicos ou unhas minicentrais,a outros obras por importes que doblan o custe, a explotación dos hospitais, das residencias de maiores e outros servicios sociais..)Ali Babá sería un inocente nese goberno.

Por eso é momento de ter as cousas claras. De decílas clarísimo. E de acción. Moita acción para que os cidadáns vexan o que os medios de comunicación dos poderes económicos lle van ocultar ou disfrazar.

POR FIN BALNEARIO EN PREXIGUEIRO

Despois de 15 anos de constituída a Fundacion Vila Termal de Prexigueiro (da que fun promotor e primeiro presidente) abrironse as instalacions do Balneario de Prexigueiro (parroquia de Francelos-Ribadavia) tanto tempo soñadas.

Felicitacions para todos, en especial o actual presidente e alcalde Marcos.

Eu xa as probei e gostei delas.

Recomendación de visita e utilización.

REGRESO: NON A INCINERADORA DE ROGELIO E BALTAR

De regreso compre manifestarse contra os plans do PP,de Feijoo,e dos seus axentes Baltar e Rogelio, de construir unha Incineradora entre Vigo e Ourense (o sea no Ribeiro).

Mentiron antes.

Minten agora.

Cando se trata de grandes negocios sempre minten.

Con esta operación poden retirarse.

Acabaron cun proxecto para ubicar aquí moitas empresas de reciclaxe,absolutamente limpas,tecnoloxicamente avanzadas,con 800 postos de traballo,que faría desta comarca vangarda no desenrolo económico.

Cambiannolas por un almacén da basura e unha planta para queimar todo o lixo do sur, e pode que despois de toda Galicia.Sen poñerse colorados.

Onde están os alcaldes do PP ,tan activos para dar subvencions,para montar manifestacions,para poñer pancartas? Onde esta a tele do PP (antes tele arnoia) e os seus parlanchins insultantes e inxuriantes? Onde están os señoritos fachiñas ecologetas de findeseman,onde están os preocupados adegueiros militantes peperos ? Onde están os prolificos articulistas de mentiras e blogueros? Onde os estudosos que tantos estudos científicos dominaban?

Parece que desapareceron polas cañerías do PP.

O negocio da para moito.

Pero aquí queda xente decente .

A Coordenadora Contra a Incineradora xa está en marcha.

Despois de case 6 meses que a Xunta modificou o Plan de Residuos de Galicia para poñer a Incineradora.

VOLTA A CASA

Regreso a casa.

Deixo Lanzarote con gañas de voltar.

É unha illa diferente a calquer outro lugar.Un modelo de desenrolo turístico sostible.De respeto ós recursos naturais e á paisaxe.Un contraste entre as terras volcánicas de cor negro e as casas todas de branco(color obrigado), na que as vivendas non poden ter máis de duas plantas.No que o alumeado está limitado para evitar a contaminación lumínica.Na que as estradas son estreitas e suficientes para tráfico.Sen grandes aglomeracións,pero con tódolos servicios que os turistas demandan.Ideal para desconectar.

Entendo que Saramago se quedara a vivir ahí.

Pero volver tamén agrada.Ribadavia,Francelos,Quins...serán as próximas miñas illas.

....................

Na vila principal da Illa que estou, o patrón da mesma é o mesmo co do meu pobo (San Xés), un santo francés...Ahí debe estar o orixe de que sea algo afrancesado.

Pero na piscina oes falar inglés,alemán,vasco,catalán,portugués,italiano...e galego.

¿....?

UNS DÍAS DE DESCANSO

Despois do intenso mes ,toca uns días coa familia e repouso.

Unha pequena escapada. Iste ano será unha Illa.

Adiviña.

INCINERADORA NON

Tanta insistencia do PP anunciando a Incineradora é insultante.

Quenes fixeron unha campaña de infamia contra un proxecto de empresas de reciclaxe, resulta que agora van instalar o maior almacén de basura e a maior planta Incineradora de España nesta comarca.

Tan pronto chegaron modificaron o Plan de Residuos de Galicia.Quitaron as plantas de compostaxe.Liquidaron as actividades de reciclaxe. E planificaron unha gran planta de almacén e queimado do lixo. Unha planta para producir electricidade con canta máis basura mellor. Unha concesión a unha EMPRESA amiga,que terá o negocio por 50 anos...miles de millons de euros de negocio.Sí.

Xa buscan os terreos. De noite andan por ahí. intentando persuadir a veciños para que acepten a instalación.Algo que xa non se fai en ningún lugar.Que en moitas Comunidades está prohibido.

Alguén vai gañar moita pasta.

Feijoo fixo da Incineradora unha das principales accions de Goberno.

Rogelio fai o traballo sucio.

E hoxe Baltar pide tamén participar no xogo.Baltar apoia a incineradora e non se pon colorado.O fillo obedece.

Todos queren un cacho no tinglado.

Os alcaldes do PP da comarca andan algo escondidos. Os do Non seica perderon a fala.

Outros tontos útiles que tanto berraban, agora calan cobardemente.

Pero o Ribeiro dirá NON á Incineradora e Planta de basura que agora sí vai facer a Xunta do PP.

E o parque empresarial de reciclaxe será realidade.

Porque con reciclaxe non caben Incineradoras.Non teñen sentido.

Por eso os que planificaban facer negocio producindo electricidade queimando o lixo de Galicia ,non querían que houbera reciclaxe. Porque as industrias de reciclaxe eliminan o combustible da Incineradora.

E crean riqueza,dan traballo,son limpas,e fan que se reutilizan os materiais dos productos que deixamos de utilizar.