DE APOSTOLADO

Nestas semans percorremos as diferentes comarcas...
O Comité Electoral da Provincia, cos diferentes cargos(deputados nacionais,autonómicos,provinciais,alcaldes,delegados consellerias,etc..),estamos a celebrar reunions nas comarcas cos alcaldes e concellais,secretarios xerais locales etc...
Son moitas as horas adicadas...moita a información que circula, moitas as suxerencias enriquecedoras...
Unha organización da que sentirse orgullosos, unha militancia comprometida, uns cidadans que traballan polo CAMBIO na provincia de Ourense.
A Comarca de Verín, con novas forzas a por todas...novos líderes con outros veteranos.
A Baixa Limia, unha organizacion de goberno,con vocación maioritaria de novo en casi todolos concellos.
.....Hai esperanza...e REALIDADES.

PLATAFORMA SÍ

Hai unha semá tivemos nova reunion para nomear a comision coordenadora da Plataforma(que creamos o 8 de setembro)...Cun simple sms, na casa da cultura xuntaronse 150 persoas...despois pedir que viñesen un par de representantes por pobo ou asociacion...Tanto que tivemos que usar megafonía para que oiran todos e tivemos que usar o salon de actos da casa da cultura,en lugar da pequena sala que pediramos.
Xente con gañas de falar e decir cousas...
Xente respetuosa. Xente respetable (alguns os coñezo de hai vinte anos loitando por esta comarca,arriscando o seu,renunciando a levarse ben cos caciquiños ou a enchufar os fillos). Xente que sabe vivir con pouco , pero que non sabe vivir sen dignidade.
Xente farta de mentiras...
Curioso: o que se pasou sempre gobernando,pasou do SI SI, ó NON NON.
Hoxe reunimos a coordenadora...chamame a atención a chamada á TOLERANCIA, cos do NON.De respetar os que pensan diferente...
Con todo fixemos análise...
A conclusión foi rotunda: o día 15 a xente do Ribeiro NON nos fallou.
A campaña informativa, con poucos medios máis que a nosa voz (con todo o ruído que houbo nestes 9 meses ou mais), xa deu resultado.
Os veciños do Ribeiros NON FALLARON.

Tele PPemento

Asi é como lle chama a xente na comarca. O exemplo máis escandaloso de desinformación...En tempos de Franco, cando mandaban na vida e facenda de todos,non se atreveron a tanto.

Que pena que algúns entren ó xogo e se presten a ir a ese medio.

Por moito que lle expliques a algúen de fóra, ninguén che creerá que haxa unha tele pagada co diñeiro público,que emite tal cantidade de insultos ós contrincantes políticos...e do calado que o fan.

Menos mal que os esprutos que nos adican os portavoces do pp (con minuscula)que ahí levan,dicen o que son os que emiten os ladridos...De feito creo que canto máis nos insultan máis xente nos apoia.

´Que conste en acta que quén tal cousa fai e promove...nunca terán razon moral para queixarse de nada...

FESTAS PORTAL

Festas Portal.
A Comarca xuntase en Ribadavia.
Días para o relax...para ver amigos que só vemos nestes días.
Alguns viven todo o ano fora,alguns moi lonxe.
Cada ano fan un tremendo esforzo para estar no Ribeiro.
Que bonito...que todos estes amigos poideran vivir aquí,traballar aquí nas mesmas condicions que o fan fora...

Plataformas

nestes días temos decidido crear un colectivo que dé información fidedigna e de rigor sobre o proxecto de Parque Ambiental...

Como se non andivera suficientemente ocupado.

Seguro que hai algún a quén lle vai molestar a idea.

Reprocharanme a miña militancia...Un que leva de activista dende sempre (ós 17 anos xa loitaba contra Franco), e de militancia socialista 25 anos...vai ser que non estou lexitimado ou lle teño explicar

REGRESO

De novo,a dura realidade.
Que ben se está de vacacions...Iste ano máis necesarias que nunca.
E ...merecidas.
Moito de familia.
Algo de praia...inda que o tempo estaba a fastidiar.
E algo de viaxe.
Viaxar é a mellor forma de conocer outras realidades para chegar á conclusión de que non hai nada mellor que o que conoces.

TEMPO DE VACACIONS

E tempo de vacacions...Este ano as vacacións serán fundamentalmente os meus pobos: Francelos,Ribadavia,Quins,...e algo de praia. (de momento)
Cando un traballa fora todolos dias ,ir cedo a Santiago,con percorrido polos pobos da provincia e resto de Galicia,e regreso de noite... cáseque apetece quedarse no pobo a descansar.
Unha nova sensación para quén pasou anos (a vida) adicado ó pobo dun e ,polo tanto, descansar era sinónimo de escapar.

MOSTRA DE TEATRO

Xa chega o Teatro a Ribadavia.

A partir do martes chega o teatro .Os mellores grupos virán ó mellor Festival de teatro .Un miragre que grazas á intelixente programación de Rubén García,fai posible que co presuposto máis baixo se faga a mellor programación posible.

Por certo,xa vai sendo hora que o novo Goberno faga xustiza no apoio que merece a Mostra (pasta,pasta!).

Coa Mostra viviremos un ambente exclusivo.Unhas noites únicas.

A mezcla da mellor creatividade teatral, co escenario dun conxunto histórico único e uns veciños que saben estar á altura do reto, é algo que SOLO PODE SUCEDER EN RIBADAVIA (capaz do "mellor", inda que as veces tamén capaz do "pior").

Un reto tamén a acadar sería que a Mostra,aparte de ser de Ribadavia o sea tamén do Ribeiro.Eu sei que alguns queren facer cortafogos,con base localista, para que o bó se contaxie.Non vaia ser que esto da cultura ....

UNS DIAS DE VISITA CULTURAL

En días pasados ,aproveitei unha viaxe a Madrid para facer un repaso cultural dalgunhas das cidades que me gostan.

Esta vez foi de ROTA DE XUDARÍAS.

TOLEDO: a limpeza do casco histórico sigue sendo unha asignatura que non aproba.E a circulación polas rúas máis estreitas e do corazón histórico,unha decisión á que teñen medo.

E unha cidade á que se debería ir con frecuencia.A convivencia de cristianos,xudeus e musulmans foi cousa cotidiá durante séculos e séculos...

CACERES: o centro histórico é unha verdadeira xoia...tén merecida a declaración de Patrimonio da Humanidade...a presenza xudea parece máis ben cousa de ficción...

O regreso por Portugal,percorrín a Autovía do interior (gratis) que nos trai ,vía Vila Real, ata Verín...

Unha imaxe vale máis ca mil palabras

Esta foto é a mellor mostra do noso estado de ánimo. Satisfacción pola moita confianza depositada nos socialistas. Tranquilidade para administrála.Traballo para merecéla .

P O F F F !

Acabou esto....Despois de ano e medio por fin rematou este longo proceso electoral.

Só quedei con ganas de descansar...

Bueno...a satisfacción é un sentimento que abunda nos que me rodean.

23 alcaldes, cogoberno noutros 6 concellos,8 deputados (a setecentos do noveno)...na provincia de Ourense (e vindo do que vimos) é para estar satisfeitos.

Agora haberá que recobrar o ritmo normal...Antes (despois de acabar cos últimos flecos..contenciosos etc..) haberá que descansar un pouco.

PACO de alcalde na capital e cecais a maior satisfaccion.Tamén Marcos por suposto.

Satisfacción con sabor para os NOVOS: Carlos Montes, Celso,Alfredo de Punxín,Arcadio,Fernando da Veiga,Vicente ,Chelís da Mezquita,Aquilino,Lamela,Avelino,Rafa de Amoeiro,Manolo de Coles,Magide,...

Satisfaccion polos que xa non o son novos nesto: Milia,Darío,Chelis,Fran "Fraga",Moncho de Entrimo,Alfredo,Miguel,Eladio "o decano"....

Satisfaccion polos que van cogobernar coma Luis de A Rua,Ana de Maceda,Paco de Trives,Jose Antonio,...e os dous que ainda falta por constituir (Manolo e Herminio)
Pena polo que non foi (Antonio de Pontedeva).
Pena polos que estiveron a un tris (moitos serán nas próximas): Fausto,Carmen de Viana,Santos de Vilamartín,Angel Laza,Alfredo,Quintas,Manolo Cabas en Xinzo,Xose Carlos en Barbadas,Paulino en Paderne...Eles nas próximas seran seguros ganadores como outros moitos (Tino de Melón ou Suso de Cenlle,Cesar de Pereiro,Lalo en san Cibrao,Rosa en Lobeira,Marina,Miguel Angel,Dopazo,Manolo de Leiro,Javier do Irixo ou Alberto de Boborás...

FESTA SAN PEDRO

A verdade que que teño iste negocio abandonado.Xa non escribo nin os domingos.
Nestas datas percorro aldea a aldea da provincia,aparte de cumprir co traballo.Veña coche e estrada que te pego.Teño dito que tiñame que meter na federacion sindical do transporte porque sempre estamos conducindo.
Todolos dias algun acto,alguns dias ata en catro temos estado.As sensacions son únicas.Ofrecemos os mellores candidatos que os concellos poden ter.Estan a traballar coma nunca para ofrecer as suas propostas ós veciños.Propostas de disponibilidade e honorablidade.A pergunta e se chega con eso...
Pola outra banda o de sempre.Mais desesperados que nunca.Con menos escrúpulos que nunca.Con mentiras coma as de sempre...Pero cada vez son menos..e máis vellos.
Hoxe é o San Pedro en Ribadavia.
De pequeno os de Francelos,os rapaces levábamos ó santo un ramo de prantas,recollidas o día anterior .Era unha cerimonia de ensino da natureza.Cada pranta collíase nunha parte diferente do pobo:unhas na ribeira do río,outras no monte (o campiño),outras nos camiños,etc...Cada unha tiña unha aplicación concreta,a maioría eran prantas medicinais(a herba do galo e a de san lazaro que se atopaban nos camiños, a das rosquillas que se collia na vía,a da envidia,o romanillo que se collia no campiño,o trobisco que se collia nas viñas ermas,o romeu,a rudaetc),...o ramo que formaban chamabanlle "romaniño".
San Pedro era o santo o que se acudía para espantar os males da ialma e do espiritu...
A provincia de Ourense o proximo 27 vai pasar a cerimonia de librarse dos malos espiritus,como si pasaran por debaixo de San Pedro.

DOMINGO

Hoxe é domingo.
A mañá foi soleada,de primaveira.
Estivemos en Laias,no balneario de F.San Rosendo.
As 12,30 estabamos convocados no Salon monseñor Osoro.
Dende o noso particular púlpito, eu presenteime como ex-seminarista,e presentei a un colega.Chámase JESÚS.
Creo que temos tódalas bendicions.

CANDIDATOS

Seguen as presentacions de candidatos. Recentemente presentamos a Carlos en Carballiño,desbordándose tódalas previsions de asistencia,nun acto que fixo historia.
Tamén presentamos a Alfredo en Celanova,cun acto cálido de opción ganadora...
Ver www.ourensesocialista.org
O sábado tamén presentamos a Manolo Gonzalez Carvajal en Castrelo de Miño,un sindicalista,traballador incansable,con moitas ideas e capacidade...e nos próximos días seguiremos presentando candidatos en toda a provincia(alcaldes seguros como Manolo en Coles,Julio en Toén,Antonio en Rubiá...).
Pero permitídeme un especial alento a dous candidatos que presentamos no Ribeiro: o mercores será o de Melón e o domingo o de Cenlle.
Ambolos dous son candidatos novos e renovados, persoas xoves, con iniciativa, con proxectos na cabeza para o seu pobo, implicados ata o fondo cos seus pobos, que os aman como ninguén.Non sei cal será o resultado.Pero calquera deles é o mellor candidato posible para servir ós seus veciños como ALCALDE...Xa os coñeceredes...

Baltar e o inconsciente?

O Presidente do PP con frecuencia manifestase cunha lixeireza que resulta increíble e fai que a provincia sea coñecida por ter un dirixente no PP que provoca asombro...A última é decir que o candidato (e agora alcalde de"prestado") é o máis honrado dos que tivo o PP.
Non dí que sea honrado...dí que os anteriores alcaldes do PP eran menos honrados...
Coma sempre a dúbida é si é unha afirmación do inconsciente (que polo tanto é resultado de recoñecer que deles ninguén é honrado, uns son máis e outros menos), ou que conscientemente aproveita para mandarlle o último recado ó anterior alcalde (que según eso é menos honrado que o que era o seu concelleiro de Urbanismo, e él é o culpable dos últimos escándalos de especulación e irregularidades urbanísticas). De paso aproveita para mostrar que él é o que manda no candidato do PP e non o anterior alcalde.
En fin, cando o retiren os cidadans de presidente da deputación (dentro duns meses)forraríase no teatro Principal.
Ogallá siga falando moitas veces.
Entre os escándalos que cada día san e as axudas de Baltar, o próximo alcalde de Ourense está claro que firmará como Francisco Rodriguez Fernández.

ESTRATEXIAS E COUSAS IMPORTANTES

Xa foi a manifestacion do PP contra a politica antiterrorista do Goberno.Cada vez queda máis claro que estamos ante estratexias en clave electoral. ..O PP quere estimular ó seu electorado,cada vez máis avergonzado dos acebes,zaplanas,aznares....e por outra banda desmovilizar ó electorado de centro progresista, cada vez tamén máis satisfeito coa xestión modernizadora do Goberno( a economía vai que se sale,o emprego como nunca, os avances sociais fanse imparables...).
O que non estaba en ningun cálculo das persoas sensatas e que se fixera da loita contra o terrorismo a principal discrepancia. A verdade é que non sei por qué se nos ocurre pensar ben dun partido que xa demostrou o que foi capaz de facer entre o 11 e o 14 de marzo para seguir no poder. Xa demostrou o que é capaz de facer para chegar ó poder ,nos anos previos ó 96.
Alguns pensábamos que se iba respetar algún límite, "ata ese punto non chegarán".
É triste ver ondear de novo as bandeiras de Franco...que non fai lembrar os mortos nas cunetas,os fuxidos ó monte,os que pasaron cadea e persecución...En moitos ollos hai a raiba dos verdugos ("esto de la democracia se tiene que acabar"),como se tiveran que ser eles os que manden sempre,e os demáis someterse...Como se as ideas de alguns non poideran poñerse en marcha se o pobo o decide. Como si a palabra da maioría dos cidadans libres non fose suficiente lexitimidade.
Ogallá as contas que botaron lle saian mal...Ogallá non, estou seguro.

¿QUO VADIS PP?

Hai feitos que se suceden que non parecen sair precisamente da intelixencia...O último vén sendo unha especie de "kale borroca-falangista" ,que se adica a tirar cóctoles motolov e facer pintadas nas sedes socialistas...(igualico que en algúns pobos do país vasco).

Algunhas manis parecen dirixidas por ese sector ultradereitista que vive no pp ...e vendo as pancartas, os berros, as actitudes,todos deberíamos estar preocupados.

Creo que os dirixentes responsables dese partido deberían empezar a ocuparse..Así nunca van gañar.Para gañar unhas eleccions hai que dar sensación de partido de goberno..e o PP de agora non a da.

¿Rajoy quén dirixe toda esta movida ouestá secuestrado pola ultradereita do seu partido+medios ultras?

En toda caso con este posicionamento Rajoy se xoga todo a unha carta,e creo que está en jaque mate...Alguns o convencerían que pra ser Presidente tén que por en marcha esta guerra sucia,que lembra a do 96 .

Pode que manteña unha porcentaxe do apoio máis ultra ,cecáis útil para as eleccions en Madrid,pero tén perdido e sen credibilidade para recuperar o voto do centro e o voto das comunidades "periféricas".

Cheirame que alguns xa andan a buscar o sustituto de Rajoy.

Pero o que a mín me preocupa non é que o PP perda as próximas eleccions xerais e autonómicas.O que me preocupa é o dano que deixe esta estratexia tola. A democracia é un equilibrio máis feble do que se pense. Coma sempre seremos nós os que teñamos que defender a democracia.

Teño a esperanza de que no Pp haxa alguén que axude.

Comida con Candidatos

Onte tivemos un fraternal encontro os membros do Comité Electoral Provincial e algúns dos candidatos a alcaldías da provincia,cunha especial atención ós novos.

Estivo Rosa de Lobeira,Aquilino de Calvos,Alfredo de Punxín,Fausto do San Amaro,Angel dos Blancos,Rafa de Amoeiro,Ana de Maceda,Paulino de Paderne e César do Pereiro,Magide de Parada,Alberto da Teixeira,etc....e algún veterano como Paco Quintas de Xunqueira de Ambía que veu lesionado,Julio Alvarez,Eladio que vai en san Cibrao,Paco de Trives,Arcadio de Vilaiño,..máis e máis...houbo alcaldes como os de Valdeorras que tiveron que atender mais de unha mesa...,Carlos de Carballiño,Vicente de Castrelo Val,Eladio do Castro,e fixo de anfitrión por ser no stand da Baixa Limia-Xurés o de Entrimo,Ramón...e co Secretario Provincial estaban os currantes do comité electoral e o próximo alcalde Paco Rodriguez.

PAXINA WEB PROVINCIAL

Presentouse o día 28 a páxina web PROVINCIAL sos socialistas de Ourense:
www.ourensesocialista.org
Unha páxina facilmente navegable,sinxela,útil.
Aberta as aportacions dos cidadans,dos candidatos e VICEVERSA.

¿DÚBIDAS -CREENCIAS?

Os que coñecen dinme que son un dos poucos esquerdistas que mantén lazos co seu pasado cristiá.Sábese que dos once ós dezasete anos fixen o bacharelato no Seminario.Algo habitual nos da miña época.Era a forma de estudar os probes.Eu era moi probe.
Os que son demasiado crentes dín de mín que son un ateo.Pouco crente.Nada prácticante.
A verdade é que a miña ruptura coa Igrexa foi radical.
Co tempo tampouco me arrepinto desa época,inda que recoñozo que o deixei con certa raiba.
"Francamente"(con Franco) daquela a Igrexa era odiosa,abafante.Temible (Temiño) .
Tamén é verdade que nesa época coñecín xente única.Amigos de verdade.Profesores cualificadísimos...as primeiras clases de galego ("clandestinas"),o mellor cine, o amor á múseca,unha aficción á literatura, o mundo do teatro....tamén cousas únicas como o latín.
E sobre todo quedoume un concepto da ética persoal que manterei toda a vida.Uns principios que os que mandaban (e mandan) na Igrexa non practicaban.Pero que alguns ,coa inocencia dos nenos, tomamos en serio...Con esa fe chegamos a conclusión que con esta Igrexa o mellor xeito de seguir a Cristo era ser ateo.

PÁXINA WEB do PSdeG-PSOE da provincia de Ourense

Mañá preséntase a nova WEB do PSdeg-PSOE na provincia de Ourense. Ata agora existía a web www.psoe.es e a www.psdeg-psoe.org.
Despois de algunha experiencia do grupo da deputación,e diversas agrupacions municipais,por fin a organización provincial vai contar cun espazo propio no que atopar a información de votantes e cidadáns en xeral.
Aparte da información sobre actividade dos cargos electos (Cortes Xerais,Parlamento de Galicia,Grupo Provincial Deputación,etc), vai haber información específica sobre todos os candidatos socialistas as próximas Eleccions Municipais. Un apartado no que caben as aportacions dos cidadáns.
Un novo paso, cara o CAMBIO na provincia....que xa está a chegar.

www.ourensesocialista.org

UNHA PROVOCACIÓN

Hoxe apetecíame PROVOCAR ós que lean esto....
É domingo..."daos fraternalmente la paz..."

Antroido

Está a chamar a atención en Ribadavia a reaparición dos personaxe antroidán,reintroducido na vila dende terras de Madrid...Home pletórico en carnés,de orixe azul falange, tén pretendido apariencias que ós que coñecemos a arbore xenealóxica causa espasmo.
Sendo de tendencias tan diestras,chamou a atención as siglas coas que apareceu.Inda que sabendo de anteriores precedentes ("Jóvenes y Populares"),xa nada causa asombro.
Sabendo da corpulencia, ó final o de "Ternra Gallega",tampouco desdice.
Foi innovador o método de "se busca candidata". O Buzoneo masivo parece que non serviu para o exito .
Tampouco o novo buzoneo para anunciar a presentación :"tendremos ágapes é cousiñas". O mellor foi esa foto do Faro...unha verdadeira obra maestra.Era sábado de Antroido.

Primeiros pasos de "bloger"

Un está aprendendo que é isto de facer un caderno...
Unha tarefa na que brilan moitos....que teñen uns "blogs"destes de maravilla...
Uns deseños, con innovación tecnolóxicas que te asombran...
Outros perdense de aburridos....
Alguns (sobre todo dos da outra ribeira)parecen todos clónicos,"clavadiños".
Eu son dos que creo que o importante é o contido..
Non espero chamar a atención polo deseño,ou polas virgalladas...
Istes chismes están para COMUNICAR...
Eu non quero "disfrazarme" de bloger....quero ver quén anda por ahí!..
Por si teño algo bó que decirlle

VISTA SINGULAR DE FRANCELOS.

Dende o monte de Santa Marta(San Paio) vese esta vista de Francelos,o Valparadiso...o Miño, a vía do tren,as viñas....

O obxeto destas notas é máis de carácter persoal ou íntimo.Un espazo de reflexión...
Inda que será difícil evitar cair nos comentarios daquelo no que vives as 24 horas do días,365 días ó ano, tódolos anos da túa vida.
Difícil evitar falar do común,do público.
Pero que conste que eso non é o que quero, nin o que pretendo...
Dalgún xeito teño que facer constar que un non é só un político...Que un tén familia...dorme...come...compra...conduce...toma algo por ahí...
As veces incluso fai a poda nunha viña...ou poda un rosal....
As veces vai o monte a ver a potencia da nosa natureza,a riqueza da nosa paisaxe...
As veces disfrútase oíndo un paxaro...
As veces un ponse enfermo,as veces estás triste....

Igrexa de SAN XÉS. Prerománico.

1.200 anos, vai facer.

Restos dun vello mosteiro,que aguantou todo ata a chegada do ferrocarril.

BENVIDOS

Abro esta ventá ó mundo.
Nela vou poñer reflexións que pasan por diante de mín .
Haberá tamén confidencias.
Algún que outro segredo, que só os que me visiten poderán coñecer.
Haberá moita IRONÍA.
Espero que algo de inxenio...
E moita tolerancia.

Saúdos